Un sinal de que me fago vello.

Hai anos, non aturaría ver este video enteiro. Pareceríame UNHA PUTA MERDA. Odiaría a coreografía estúpida e aburrida, que non ten nada de ver con Star Wars agás polos disfraces cutres. A versión discotequeira da música de John Williams poñeríame malo. Sentiríame insultado pola falta de fidelidade ao orixinal desta homenaxe oportunista e casposa. Cambiaría de canle.

Agora, miro o video con interese e flipo un pouco, en plan ben, con esta mostra de cultura basura, de imitación cutronga e vergoñenta. Mesmo tardo en decatarme do ABURRIDO que é todo, do falto de contido que está. Estou mirando unha absoluta estupidez, son consciente. E non me queixo. E o comparto con vós.

Hostia, matádeme xa. Estou traizoando ao neno que fun.